حبي في قلبك سكن
وعنيكي عنواني
من يوم ماحبك سكن
بقيت واحد تاني
اناكنت لكن النهارده بقيت
كأني في حبك إترقيت
بشر بإمكانيات عفريت
والسر عنيكي اللي سحراني
وسحر عنيكي ليه قوه
ونن عنيكي دا فتوه
ملكتي قلبي من جوه
وبتجري جوه شرياني
ابوس علي ايدين اهلك
براحه علي قلبي مهلك
حتي الدقات بتندهلك
وصوت حنيني صحاني
كل حروفي لعنيكي
ماتكفي حسن معاليكي
خدي كل الجمال ليكي
وسيبي الحب علشاني
لو فين في الدنيا راح اجيلك
يا اجمل بنات جيلك
دوقت شهد فناجيلك
في ليلك ياقمر عالي
جمالك يحسه حتي الكفيف
برد الشتا في عينك ضعيف
وانا مش هاممني لابس خفيف
بيتك جوه احضاني
وف احضانك مناخ تاني
عشقتك ياللي انتي عشقاني
انا دوقت الشهد من حبك
خلاص هاتي كمان تاني
ليست هناك تعليقات:
إرسال تعليق