حبك أنتِ . حُب غالى
..............
كنت لما بشوف عنيكى
حلم جوايا يراوضنى
حس يتملك قوايا
وحب صادق بيعاهدنى
لما كنت المس إديكى
بالقى نبضك بيشاغلنى
تسبقينى بضحكة حلوة
وتملكينى برمش .. ننى
كنت دايما فى المشاعر بالتقيكى
حُب عايش بيسامرنى
فجأة حسيت ابتعادك
مرة واحدة .. بعدتى عنى
قلت يمكن سهو منها
والا يمكن سهو منى
كنت دايما فى احتمالاتى باحسك
وأنت همسك بيحايلنى
زى كل مرة أشوفك
كنت احسك وأنت منى
عمرى ماعرفت التجنى
كنت بالمح جوه فى عيونك تحدى
بس لما غبتى عنى
قُلت يمكن .. انشغالك
والا يمكن وشوشه
وزن فى ودانك
بس فى الأخر فهمتك
مهما كان بُعدك تجنى
إلا إنك ... حُبك أنتِ
حُب إحساسك لقلبى
حب غالى بيبادلنى
حالتزم وبأمر عهدى
وامنحك فرصة أخيرة
احتمالك يبقى عندى
............
شعر / حسن السحماوى
ليست هناك تعليقات:
إرسال تعليق