في غرامه
ف غرامه بكتم جوايا
اصله دائي وهو دوايا
خايف ايوه من الحساد
لأنه حبيبي وكل منايا
ف غرامي انا مش بحكيله
وف ليلي وبنهاري أجيله
هو النور والضي لعيني
حبه بقلبي انا راح أشيله
ابدأ بغرامك قلبي معاك
قول حرفين انا بترجاك
وانا اسهر ومنمش الليل
وغرامي هيجي على هواك
انا بسكت ف غرامي تمام
واجيله دايما انا في المنام
راح اقوله وبالي هيرتاح
وكلامنا هيبقى .احلي كلام
ليه نخبي علي بعض الحب
وهوانا باين ف عنينا
والحيره تبقي ف القلب
ماتخلي الحب يدفينا
انا شايف ف عنيك الحب
قولهولي وبلاش الكدب
قلبك بيقولي انا سامعه
وانا ديما ثقتي في القلب
ماتيجي نصارح بعضينا
ونعيش بالحب وجماله
والعمر كله يكون لينا
ونقضي الايام ف دلاله
دا الحب ياحبيبي جميل
والقلب الصافي بيميل
لو صح الحب. هيخلي
ولا قلب ف الدنيا عليل
****
بقلمي /رمضان عبد الله احمد
ليست هناك تعليقات:
إرسال تعليق