وووو ومضات شاعر eee
ةة ةة مسافر بلا خيال ةةةة
ةة 🕛❎ℹ🚫💠🔥ةة
شايل في هدمتي الموال
ومسافر بعافر مش خيال
سارح بلا خيال
والدنيا شياله وحمال
ماسكه في جتتي الحبال
موالي مش كفايه للترحال
مسافر من غير خيال
داقت بيا الظنون
والشك بقي ملعون
رجعت تاني للوجع
بلاها السفر
وقعدت علي قهوتي
فنجاني ساده باقول ياساده
حد ياخودني أجير
اجيب قوتي من غير ماطير
وجنب قهوتي جامع كبير
وجنبه الكنيسه ودكان فسيخ
قلت اصلي ركعتين
ابقي قريب م الكبير
ابو خيمه زرقه عنده الكتير
حسيت ببواقي إيد بتشدني
بتقولي قوم تعرف تقم للصلاه
قلت ربي منحي حلاوه في صوتي
وكنت مداح للنبي
وموالي يشجي القلب العفي
ومن ساعنها كنت المؤذن
وأصلي بالناس جماعه
وموالي الشجي
في مدح النبي أصبح علامه
كنت المسافر من غير خيال
وساعة العسره
ماعندي غير موال
ابتهل لله والنبي
من اليوم ياساده
من فجري قاعد هنا
والقهوه ساده ودكان الفسيخ
وجامعي الكبير أصبح جامعنا كلنا
تركت القطر اللي عداني
ولساني بالذكر نساني
قولت كل اللي عندي
ومش هاذكره تاني
محمد زايد
ليست هناك تعليقات:
إرسال تعليق