وبتسألينى أنا أبقى مين
أنا قطرة واحدة
من دموع المجروحين
صبروا وعاشوا من سنين
وشافوا يوم جاى لبابك
بيبتسم
وبيفرح القلب الحزين
يوم ما انتصر
شعبك دا كله
قادت شموعه ونورت
قام البطل رفع الجبين
لو انتى ناسية أفكرك
يوم ما اترفع علمك
وناسك زهرت
ليلها الحزين
يا بلدى صبرك قدرك
والهمة تيجى م الأمين
شعبك دا فين
ليه افترق عن سكته
وكل واحد هدته
قصة ودين
يا شعب عايز تنتصر
قوم واتحد
وارفع شعارك للعمل
دا المحتمل
ربك يساند خطوتك
كالأولين
ويأمنك ويثبتك
يرفع مقامك للسما
وح تفتخر فى العالمين
يا شعب فوق
واطلع لفوق
واعلى بقى عن الكدر
وازرع سنابل فرحتك
وامشى لآخر سكتك
ح تنسعد
دنيا ودين
........................
للشاعرة / بتول العتربى
ليست هناك تعليقات:
إرسال تعليق