مصدومة
......
فيه كلمة تعلي وكلمة تهد
وبكلمة نقولها يقيموا الحد
أمال ياوطنا ساكت ليه
طب ليه الفتنه معاك تتمد
ثورات بربيع خربت بيتنا
طيران وحروب حصدم قوتنا
والجوع سارح يحصد فينا
والأمل الصامد فيه بنهد
مصدومة الصدمة بتقتلني
لما ابني يكون اللى قاتلني
دا أنا أهلك وأنا أم الدنيا
ولغيري إيديك بالخير تتمد
جاك قلب إزاي ليه بتخوني
وبدال ماتخضر تحاصرني
وعلينا الدنيا بتتفرج
الكل بينهش فينا بجد
ماتفوقوا أمال إيه مقويكم
فيه طوفان بيكسر حواليكم
بيشيل الأخضر واليابس
وبينزع منكم سبل الود
الغرب بيلعب ع الهادي
بيخرب فيكم ياولادي
بيصدر لك كل طموحك
وبكل كيانه فيك بيهد
ماتبص وشوف كان مين قبلك
فى الأول أهو بيسأسأ لك
وبسرعة بياخدك في خوانه
وبيقطع عنك سبل المد
............................
للشاعرة / حنان محمد الحسيني
ليست هناك تعليقات:
إرسال تعليق