عمرى ما كنت
أنانى ف حبك
واسألى قلبك
مش هيقولك
غير أحاسيسه
كنت انا أهله
وكنت انا ناسُه
كنت الدم اللى
ف شريانه
كنت زمانه
كنت مكانه
كنت الضحكة
اللى بترضيكى
أيوا النسمة
اللى ف أراضيكى
فجأة جرحتى
بعدتى ، وروحتى
قلتى .... لقلبى
إنه ... ماضيكى
وانه محسش
أبداً .. بيكى
مش ح اتألم
ولا ح اتكلم
ولا ح استعطف
ولا ح اراضيكى
ح اسيبك ليكى
تشوفى الآهه
بس بنظرة
جوا .. عنيكى
==========
Hamed Samir
ليست هناك تعليقات:
إرسال تعليق