( لسة بتبكى )
لما بتبكى بعين واحدة
يبقى العقل سبق العين
وبتبكى كمان واحدة واحدة
وهاجيبلك تانى عشق منين
كنت جمبك وانا مجروح
كنت بشوفك روحى بتروح
وانت ولا حاسس بيا
كنت صارحنى وقولى أروح
خليتنى ليك احتياطى
وفضلت ادادى فيك وأطاطى
قلبى إللى تعبنى معاك
وإكتفيت انا بسكاتى
قلى طريقة احبك بيها
انت الدنيا واللى فيها
انا مقدرش ابعد عنك
دى الكلمة انت معانيها
استنى والا أبعد لبعيد
لو هبعد الشوق هيزيد
ليه نسيب الجرح يكبر
اصل البعد.مش هيفيد
( جمال رمضان )
ليست هناك تعليقات:
إرسال تعليق