يا واد أنت يا واد كنت حنين
واعملك إيه
إيه غير طبعك فهمنى
الحيرة دى ليه
لو واحدة شغلت لك بالك
قولى فيها ايه
اكمنها حلوة بتدلع
طب قولى يا بيه
راح فين دلعك ليه
غيرتك وكمان الحنيه
مش قلت بحبك يا مراتى
انتى حياتى أم عيالى
وكفاية الدعوة تقولهالى
والبيت من غيرك ولا يسوى
وآخر قسوة شفتها فى عينيه
ساعة ما رمانى ولا جانى
ولا حتى يفكر انه يسلم
ونطل عليه
ح تروح كدا فين من ربك
ساعة ذنبك
مش ممكن أبدا تمحيها
كله بأمره
ح يجازى الظالم عن ظلمه
وأنا ح أشكى إليه
# بتول العتربى
ليست هناك تعليقات:
إرسال تعليق