احنا فين والزمن
عاند معانا ليه
ماهو كل شئ له تمن
وكتير ماتقدرشى عليه
القبر توبه الكفن
والقصر مغرور بيه
اااااه يا زمن
غلبان وعايش فى المحن
وكتير بتنهش فيه
حياته ترس فى مكن
ولقمه حاف تكفيه
لا عنده جاه او سكن
ولاعشه غاب تأويه
ااااااه يازمن
زمن الرجوله انتهى
دورت مش بلاقيه
الست شافت نفسها
وماعاد بتسال فيه
ركب الشيطان ظلها
خلعت وراح ترميه
ااااه يازمن
عملنا ثوره عشان نعيش
العيشه زادت ضِعفها
الزهر جاب لنا شيش وبيش
وحكومه بانت ضَعفها
لولا ان كان عندينا جيش
لضاعت بلادنا كلها
اااااه يازمن
فى ناس ملانه وناس جعانه
وناس بتندب حظها
حلمنا والحلم ماجانه
وكابوس بيرسم خطها
حكومه عايشه ع الاعانه
وحراميه تسرق رزقها
ااااااه يازمن
========+++
ليست هناك تعليقات:
إرسال تعليق