إنسان أنا
-:-:-:-:-:-:-:-:-:-:-
أنا مُش أيوب زماني
وبصبره ملا الحتة
ولا يوم كُنت الهلالي
وفرسُه في السكة
ولا عنتر وشايل سيفه
لأجل عيون عبلة
حارب مع النُعمان
وجاب النياق حمرا
دانا أضعف من الريشة
وجسم نحيل بدون فيشه
وبتمشي يمين وشمال
كما السكران بتعويجه
ولا في زمن الرسول موجود
يوم ما غيّر القبلة
أنا مُش صلاح الدين
وبجيشه فتح عكا
لا هركليز حب ف يوم زينه
ولا عُمره اشتري وردة
ولا روميو حبيب جوليت
ولا مجنون وقيس ليلي
ولا بركب في يوم ع الفيل
ولا برقُص مع النملة
مُش عايش مع الأساطير
ولا برفع إيديِّا وأطير
ولا تجري الوحوش مني
ولا عُمري علاء الدين
ولا الفانوس يكلمني
لا أنا راكب بُساط الريح
ولا قاعد علي المراجيح
ولا كُنت في يوم درويش
ولا ساكن مع الحرافيش
دانا ممكن تقول إنسان
أحلامه ف السكة
أو يمكن تقول أحلام
مركونة ع الدكة
مرسومة بالطباشير
وإقفال علي الأبواب
ليه قفلوها من مدة
ودقوا عليها بالمسامير
وليه ربطوها ميت عُقدة
إنسان أنا
-:-:-:-:-:-:-:-:-:-:-
كلمات •• 🍂عمرو هيرو
ليست هناك تعليقات:
إرسال تعليق