$$$$$ فلوس العم عمران$$$$$$
♥♥♥♥♥♥♥♥♥♥♥♥
قصيدة وتعليقات وسيجال وحرب كوميدية بين المعلم والشاعر المبدع حسن عمران
و ماجد شكرى الساحر( إبراهيم دعبس)
***************************
كانت البداية قصيدة عمي حسن عمران
التي نشرها في جروب فارس العامية المصرية
أصحاب.. كل اصحابي حلوين والله.. بس ساعات يطلعوا بحاجات..!! أفكار سودة.. وممكن موضة.. أو لا منطق ف الروايات..!! عامل السن ياصاحبي مأثر.. من غير ما شرح ولا أفسر.. م انا عارف إن قلت أتكسر.. ولا يقولوا دية إشاعات!!.. ياللا صغار كلنا قول نونو.. وكمان بابا الله ف عونه.. لسه قصادنا قرون وح نكبر.. وساعتها سننا ح نصونه.. ياللا صحابك دول من بختك.. دوه أخوك والتانية دي أختك.. يعني أقبلهم علي أحوالهم.. وإن زاد حد قوله سامحتك.. م أنت حبيبي وعشرة عمري.. وأنت نصيبي وقسمتي قدري.. ولو وقعت ح تسند ضهري.. مااحنا صحاب لكن أخوات.. وكل صحابي حلوين والله.. بس ساعات يطلعوا بحاجات.. تفرس وتغيظ تتعب والله.. ونقول ياللا م احنا اخوات!!.. حسن عمران
**********************
حروف عمي تلهمني وﻻزم يرد ماجد شكري
حبيبي وعمي وعايز عيدية
و لحمة وكبدة وفشة ولية
وشيبسي وبيبسي وطلق مسدس
وورقة امريكاني بس ب مية
وخايف اتقل وأطلب جاتوه
فتزعل وترفض ب ﻻﻻ و نو
ونفسي ف عجلة ولفة قماش
سادة مقلم مشجر كاروة
كمل جميلك يا عم الجميل
طلبنا الكتير باقلنا القليل
شامبو وسافو وليفة وصابون
اوعي تطنش لتبقى بخيل
هههههههههه كفاية كده يا عمي لتقول عليا طماع كل سنة وانت طيب
ماجد شكري الساحر
$$$$$$$$$$$$$$$$$
ويرد المبدع حسن عمران
ياواد لما تطلب بلاش الكسوف.. وليه ترضي بقليله مادام الظروف.. بتسمح ياغالي.. وبكل غالي.. واديك شوفت حالي ببقشش ألوف..
زكايب.. زكايب وتحت السرير.. بتنطق ب حالي وبتقول يسير.. وأطلب عمارة.. سطوح ف السفارة.. وأطلب تلاقي.. وأحلم تشوف.. تشوف الي عمرك ما شوفته ف يوم..
ولا حتي حلمه ده جالك ف نوم.. ح خليك تعدي ف بحر الهدوم.. وتهزم قوافل لفرس وروم.. وتضرب بسيفك بلاش الأدووم!!..
ياواد دانت غالي ومامتك دي غاليه.. دي أختي وستي وف القلب عالية.
. وقولك ياخالي.. ده زود ف مالي.. ولسه النهارده جايب معزه خاليه!!.. ح تسأل تقولي ياخالي ده ليه؟!.. ح أقولك دي نفسي راحت للبانيه.. وأيا تعوزه شاور لي عاليه.. لغاية ما تبقي دعبس وبيه!!..
حسن عمران
$$$$$$$$$$$$$$$$$$$$$
وجاء رد ماجد شكرى الساحر
ابن اختك يا خالي راميها عليك
وعارفك مريش و سايبة ايديك
وجببك ملغم ومطرشق فلوس
و كل الحبايب بتلجأ إليك
بطبعك يا خالي حنين كريم
وعمرك متكسف ليله إبراهيم
نفسي يا خالي اصير مليونير
واصرف وافنجر واصاحب حريم
نفسي يا خال ف فيﻻ ب بسين
وشركة هدية و مصنع طحين
وشبكة لعروسة ومهر كمان
وخايف اتقل تقول طماعين
ماجد شكرى
$$$$$$$$$$$$$$$$$$
وجاءت طلقات المبدع حسن عمران
حبيبي ده حقك علي تمام.. وشوف انت حاجتك دي تطلع بكام.. أقوم دوغري أدفع وأرمي السلام.. واعلق ف صدرك أجمل وسام.. لانك حتاخد ثروة كبيرة.. بدل ما تلاقيها ف عين الصيرة.. رميها ف رصيف ولا جردل سميرة .. وعد ح تطلع دي ثروة خطيرة.. ح تلقي ف عبك الاف الالاف.. وشيكات توقع اتخنها كتاف.. وملاين تقولك نضاف النضاف.. لا جينا ف سرقة ولا إختلاس.. ولا نصبه كبري.. وسرقة مداس.. فلوس م الحلال وهو الكل شاف.. وقالوا فلوسه عفاف العفاف.
حسن عمران
$$$$$$$$$$$$$$$$$$$
و اجابه ماجد شكري بكلماته
ابعت يا عمي زكايب زكايب
ﻻن بفلوسك هسوي العجايب
هاخلي مارينا جنب بوﻻق
والقطر بتاعك قصادنا يحاسب
$$$$$$$$$$$$
رد عمنا حسن عمران
أنا رأي تعمل كوبري بدورين.. يخش القناطر يروح الحسين.. ويحود ف بنها يجيب كرسين. . معسل يكفواقول محافظتين.. فلوسنا كتيرة وفين اللي يصرف.. ماهو الصرف أصبح حاجة بتقرف.. تروح للبقالة ح ينصب عليك.. وعلاف يخومك ف حبة فريك.. كمان الفراجي.. يخم اللي افندي.. ويدي له كتكوت مكانك ياديك!!
$$$$$$$$$$$$$$$$$
وجاء رد ماجد شكري
عارفني لومنجي و أهف الجميع
يشوفني الفرارجي يبيض يا وديع
عيل مخربش و أفوت فى الحديد
ورغم الشقاوة قصادك مطيع
$$$$$$$$$$$$$$
وجاء رد المبدع حسن عمران
مؤدب وطالع لخالك تمام.. وتخجل وترجف قصاد المدام.. لكن ف قرشك ده ياللا السلام.. تبات ف المؤبد وتنهي الكلام. عشان كده عارف تصون المالية.. وتمشي جعان.. بلاجلابية.. ولا قرش يطلع أونطه ف صرفه.. ونفسك يادعبس تبات مشتهيه!!
$$$$$$$$$$$$$$$$$
وﻻزم يرد ماجد شكري
مؤدب لكني في غاية الرجولة
ودايما مراتي تتطاوع المقولة
وعمري من انخ لحد في حياتي
ودايما مسيطر من سن الطفولة
$$$$$$$$$$$$$$$$
وطبعاً عم حسن ﻻزم يقول
ياعم أنت ركز فلوسي ف أديك.. وكل أعتمادي يادعبس عليك.. ح تشعر تقولي رجوله ودياولوا؟!.. دانا رأسمالي ح يبقي أليك .. ح تاخد فلوسي وتقفل بيبانك.. ده انا حتي ساعتي كاتبها عشانك.. وتحت البلاطة.. تخزن كتير.. وأوعي تبلغ وتحفظ لسانك.. وكل الكلام ده ح تعمله إمتي؟!.. تجيب لكل عيل كالسون وجاكته.. وشبشب مقبقب صوابعه دي سته.. وبعد ده كله تعايش أمانك.
$$$$$$$$$$$$$$$$$$
يسكت ماجد شكري طبعاً ﻻزم يرد
فلوسك يا عمي كام باﻻمانة
يعني بواكي تمﻻ الخزانة
وﻻ بواقي وحتة بخمسة
يعني يدوبك تكفي عشانا
$$$$$$$$$$$$$$$$$
ويرد المبدع حسن عمران
ياريتك يادعبس وقبل العيدية.. طلبت وقلت.. أديك عنيه.. لكنك ماقولتش ودي حجة لي.. ح تاخد ح تاخد بس السنه الجاية..!!
وتصبح علي ألف خير وكل عام وجميعكم ب خير وصحة وسعادة وحب.
$$$$$$$$$$$$$$$$$
ويسدل الستار ماجد شكري الساحر
وفاتح صدرك علينا يا خال
وقلت حلو روقت يا حال
اصرف وفرتك واقزقز فلوس
وهاطلع منك ب ملك ومال
وكل ال خدته منك سيجال
ليست هناك تعليقات:
إرسال تعليق