آه يا أنا
فاكراك أنا
كم عمر عدى من هنا
وأنا وأنت والأشواق زمان
كانت عشان
بتفيض حنان
تسقينا شهد
تروينا م النبع إللى كان
جارى ويشهد إننا
روحين فى جنة ربنا
آه يا أنا
كانت الأمانى تضمنا
ونعيش لها وتعيش لنا
كنت الحبيب كنت القريب
مهما ح تبعد أو تغيب
مالناش غنا عن بعضنا
يا ما كان طريقنا يدلنا
واحنا سوا فى أنسنا
واحترت أنا
ليه افترقنا فى حلمنا
والصاحب إللى كان قريب
أصبح غريب
ولا بانشى يوم منه الهنا
لو ما أنت ناوى تردنا
يبقى الأمان ضاع مننا
عارفاك أنا
والخطوة ليك باتت تأن
حاسبة الحساب
من غير كتاب
وعرفت إنك غير وإن
كل السعادة بين إيديك
راحت وما ح تعود إليك
لو ليك رجوع كنت تحن
آه يا أنا
# بتول العتربى
ليست هناك تعليقات:
إرسال تعليق