شوفتي سكوتك
...........
شوفتي سكوتك .. صوته جميل
أوصف أيه .. ما أنا وصفي قليل
شوفتي سكوتك .. هـز الـنـاي
عزف اللحن .. وشق الـلـيـل
شوفتى سكوتك .. لاء ده حكاية
يلمس قلبي .. كـمـا النسماية
لا أعرف يعمل كده .. و ازاي
ما انتي سكنتي خلاص .. جوايا
شوفي هقولك .. لـو سمعاني
كل حروف صمتك .. واخداني
وهتسألى بفهمها .. أزاي ؟
بصي في عيني هنا .. شايفاني؟
شوفي العشق .. اتملك فيا
أيوة بكل إرادة .. و نـيـة
لا اعرف رايح فيه .. أو جاي
بس العشق ..عليكي شوية
شوفتي سكوتك .. صوته جميل
أوصف أيه .. ما أنا وصفي قليل
شوفتي سكوتك .. هـز الـنـاي
عزف اللحن .. وشق الـلـيـل
......................
للشاعر / خالد المنصوري
ليست هناك تعليقات:
إرسال تعليق