بُعد الحبيب
ـــــــــــــــــــــــــــــــــــــ
تمشي . تبعد
مهما تبعد
مش ها قول انك بعيد
انت جنبي . جوًه قلبي
عايشة بيك عمري السعيد
أيوًه عمري
قبل منك
كان آهات بين الضلوع
كان سفينة
مالها مينا
كان بُكا. من غير دموع
كان كلام ملوش معاني
كان غُنا من شجن
كنت خايفة من زماني
أيًوه خايفة م الزمن
لحد ما انت
زي ما انت
جيت تغيًرلى الزمان
جيت تخلًي
شمسي ضلّي
ضلّة يملاها الآمان
روح بحبك
ياللي حُبك
جوه قلبي
شيء أكيد
تمشي تبعد
مهما تبعد
مش ها قول انك بعيد
د انت جنبي
جوًه قلبي
عايشة بيك عمري السعيد
ياللي عمري
لمًا شوفتك
شوفت فيه احلى الزمان
شوفت وردة
جنب فلة
شوفت فرحة
ليًا هَلة
شوفت جنة من الجنان
شوفتك انت
زي ما انت
جيت تشربني الحنان
روح بحبك
ياللي حبك
جوه قلبي
شىء اكيد
تمشي تبعد
مهما تبعد
مش ها قول انك لعيد
دانت جنبي
جوه قلبي
عايشة بيك عمري السعيد
ــــــــــــــــــــــــــ
كلمات عبدالحي فرغلي
ليست هناك تعليقات:
إرسال تعليق