أنا جيت
........
أنا جيت ياحبيبي. وانت مشيت
ولا قولت سلام ولا حتي حكيت
ليه تسيبني لوحدي وحيد وتغيب
والفكر يروح بحاجات ويجيب
معقوله صحيح أنا هونت عليك
دانا بحلف بجمالك وعنيك
وبقول ان انت اللي باقيلي
من وسط الدنيا طلعت انا بيك
فمعدتش قادر ....ع اللهفه
يابو دم عسل وعيون خفه
ولا قادر..اصبر ع .. الصدفه
دانا قولت لنفسي انك عارفه
وحياتك بس انت تهاود
وبلاش في الهجر تكون جامد
مين ها يحبنا مين غيرك مين
ولا اكمننا في عنيك دايبين
بتمطوح فينا شمال ويمين
علشان شاريين محناش بايعين
طب امتي هترجع تاني تعود
حبك موصول بوريد ممدود
انا اموت لو بس ... تخاصميني
ده مكانك جوا ف شراييني
وحيات الحب اللي مابيننا
لا تبعد تاني ولا تحرمنا
وان كان فيه حاجه حصلت منا
تعالي علي نفسك كلمنا
....................
للشاعر / محمود رجب
ليست هناك تعليقات:
إرسال تعليق