ازاي تقول إعدام وموت
لحظة سكوت
كدر وصوت
مشهد أخير بنصوره
بعديها خلاص حنروحوا
مين اللي قال بيتنا اللي فات
ده وهم اوعي تصدقوا
دور البطولة مش بالورق
دور البطولة باللي سبق
وقال للحق انا معك
انا عمري ما ودعك
ده مستحيل اللي انكتب
هو الحقيقة المؤسفة
بكرة نروح نوزن هناك
الاحلام المتقطعة
ولحظات بكا مسمعة
وانكسار وحزن واهات
دي حاجات ليها تمن
هما تقال عند الزمن
اللي اتمسك بالصحيح
وقال ده عمره ماينكسر
علي جثتي لوتنشطر
خدوا كل حاجة
حتي الحلم اللي اتسطر
اذا كان ده حكم القدر
واللي رضي بالحق هو المبتدا
لازم اكيد يرضي بحكم الخبر
خلاص خرجنا من كدرنا
استوب برافو خلاص كده
المشهد خلص بحكم القدر
وأنا مصري وافتخر
......................
للشاعرة / ايمان محمد
ليست هناك تعليقات:
إرسال تعليق