قالوا الحساب بميزان
شفت الميزان اختل
كفه بتطلع فوق
وكفه تنزل تل
شفت البشر الوان
والكل تاه فى الكل
اللى بيزرع شوك
ازى هايجنى الفل
تهنا فيك يازمان
والساعه فيك بتعل
كان الشجر الوان
وف لونه تاه الظل
حتى نسيم الصيف
بدل هواه بالطل
لا اخ يعرف اخوه
ولا خل بيصون خل
اه يا دنيا العجب
فيك الميزان مختل
ناس عشاها اهات
متغمسه بالخل
وناس ماهياش ناس
ماشيه تقش الكل
اه يا زمان العبر
الفكر فيك اتشل
بالواسطه تبقى مدير
والخبره عايشه ف زل
قالوا الميزان اعمى
لو فى ضمير كان حل
كل المسائل هنا
واحذف حروف الغل
تلقى الروايح هَنا
ومعطره بالفل
تلقى الروايح هنا
ومعطره بالفل
ليست هناك تعليقات:
إرسال تعليق