غدار يا بحر
.........
البحر غدار والكل حابينه
حلاوه من غير نار
ياما أكتر مجانينه
الله يجازي البحر
وعمايله وسنينه
أنا روحت يم البحر
شممني عطر ويود
دوبت ف عيون السحر
كان القدر موعود
رجعت انا باحبي
طفل ويادوب مولود
آه يا نا يا غلبي
عا العود وتفاحه
رجعت كلي فروض
أترجي في سماحه
غرز ف قلبي عود
وفاتني بجراحه
غدار يا بحر الهوي
ولا ليك في حنيه
عليل ومالي دوا
والنفس مكويه
مانابني حصرم عنب
ولا رطبه مرميه
قفلت انا الصفحه
ذكري وكات جارحه
لا شوفت فيه فرحه
إلا أنين جرحه
ودمع ف عنيه
للشاعر / يسري عثمان
Yousry Osman
ليست هناك تعليقات:
إرسال تعليق