ملامحي فيك
...............
ملامحي فيك من زمان
من يوم ميلادي فات زمن،!
ولسه سحرك والشجن باقي عليه
بعد شيبتي بيسألوني
عاوزيني أغير في ملامحي
عاوزيني أغير من جلدي
يرضيكي اغير تكويني،؟
يامربياني علي لساني
وشربت من نيلك ورواني
من بكره ارجع من تاني
واميل للظلم واسامح،
والصبح الفاضل يرضيني
عاوزيني بالحلم أطاطي
والضرب يعلم في أجنابي
عاوزيني أحلم واتمني،!
والكل قاعد يستني،،
والمعده تصبر علي حالنا،!
علي عيش وملح تغديني،
واللقمه بتمسح ف سنيني
وتقولي مين هايوديني،
ماعرفش مين هايوضيني
وصلاتي تسامح علي ديني،
عاوزيني أغير في ملامحي
بدل الأبيض أصير قمحي،
وامشي واعرج من بدري
والضحكة تبكي علي جرحي
ويعدي الليل ويطول سرحي
عاوزيني اغير تكويني،
البس لباس ويكون ديني،
سروال قصير واطلق لحيه
وعلامه في القوره زبيبه
عاوزيني اخطب ع المنبر
وأقول علي هواهم وأشكر،!
والصدق من جوايا وأكفر،،
بقصايد حلوه علي المنبر،
عاوزيني أغير في ملمحي
اعلي صوتي واتغندر،،
انشد وأغني واتصدر،
رغم المآسي واتشطر،
ورغم الجوع اللي مسيطر
وذل الحاجه اللي واكلني
ومقطع سنيني بسكاكيني
عاوزيني اسهر ولانامشي
وازود غبائي ومافهمشي
واصوم سنيني ولا افطرشي
ولاحتي افكر في الطرشي
والصمت غدايا ولا اتكلم،
عاوزيني محتاج ولانامشي
وكمان مفطوم ولاليا لسان،!
وكمان أعيش وبدون عنوان،
وارقص كمان علي السلم
وساعتي دايما راجعه قوام
وأهاتي تطرح زي زمان،
عاوزيني ومش عاوزيني،
ولاعمري هغير تكويني،
وسنين علامي وتحويلي
ولا افكرامشي ورا ضهري،،
ولاعلمي يسيطر علي جهلي
ولاعمري هاغير في ملامحي
وزرعة ارضي ولوني قمحي،!
راح اصبر علي كل مرار،
واصبر جوعي بنبات صبار
واملا قلبي تملي عمار،
متوضي من مية نيلي
وإيماني بيحب سنيني،!
مهما قالوا كتير عني،،
أنا وطني وترابك كفني،
وعمري ماافكر اخون علمي
عاوزيني وانا المصري
عمري مااغير في ملامحي
بصولي أنا لوني قمحي،،!
..........................
محمد زايد
ليست هناك تعليقات:
إرسال تعليق