أنا مين .... للشاعر / حسن السحماوي

أنا مين ...!

دا مهما كان .. حبك وطن ..
يا سوسنة .. مملوك ومالك صولجانك . إنما
أشهد بانك .. ملحمة ..
واعلن على حدود الملأ .. إنك ضمير
وصوت مشاعرك .. ملزمه
يا سوسنة ..
إن شح زادك .. كنت أنا ليكى الشبع
وان زاد .. ودادك بلمحك ضى فى سما
وان شد عودك .. تفردية .. لى أنا
واصبح واكون لك .. دنيتك فى محبتك
نجم .. وقمر .. سهران يغنى فى السما
دلوقتى .. ليه .. من كام سنة
عدى الزمان .. وسألنى نفس الأسئلة ..
وأنا كنت ناوى .. أسألك .. أنا ابقى مين..!
توهت فى حوارى دنيتك .. مابقتش عارف
سكتى من سكتك ! ... أنا أبقى مين !
بس الزمان .. غير ملامح بعضنا ..فى سكة سفر
والتوهه .. بينا بعدتنا .. بمسمى .. القدر ..!
لما الزمان .. بيسد بابه فى وشنا
طوحنا باديه .. فافترقنا .. عن بعضنا
والقلب تايه ف البلاد .. اشواقه فى بعاد خطوتك
حب وشجن ..
مجروح وبيشده الحنين ..
لو تعلمى بصدق اليقين ... حبك وطن ..
..........شعر ..
حسن السحماوي