سجال رقم ٢٦ ( الغربه )
شاعرة الريف. ...رضا ابو الغيط
**************************
شاعرة الريف
شاعرة الريف. ...رضا ابو الغيط
**************************
شاعرة الريف
مساء الورد....... يا حبيبي
ياغايب... عن عنيا سنين
ياحتة.. مني ....هاجراني
وسيباني وهاشكي لمين
ياغايب... عن عنيا سنين
ياحتة.. مني ....هاجراني
وسيباني وهاشكي لمين
رضا أبو الغيط
مساء الفل .....يا حياتي
يا ام عيالي...... ومراتي
انا مسافر عشان خاطرك
وخاطر ......ابني وبناتي
يا ام عيالي...... ومراتي
انا مسافر عشان خاطرك
وخاطر ......ابني وبناتي
شاعرة الريف
مسافر قلبي ورا منك
وتايه نفسه .ترجع له
وزاد بعدك وزاد عندك
ولا مره ..... بتسمع له
وتايه نفسه .ترجع له
وزاد بعدك وزاد عندك
ولا مره ..... بتسمع له
رضا أبو الغيط
ومين قال لك اننا عايش
يا نن عيوني.... يا غاليه
د انا عايش علي الهامش
ونفسي ارجع.. ولو ثانيه
يا نن عيوني.... يا غاليه
د انا عايش علي الهامش
ونفسي ارجع.. ولو ثانيه
شاعرة الريف
حبيببي... الناس بتظلمني
وفاكريني انا اللي اخترت
وانا اللي قولت لك سافر
بعيد عني ورحت هاجرت
وفاكريني انا اللي اخترت
وانا اللي قولت لك سافر
بعيد عني ورحت هاجرت
رضا أبو الغيط
كلام الناس كتير ياما
وانا العايش ف دوامه
وظلمك بس مش قادر
أقول راجع ف عوامه
وانا العايش ف دوامه
وظلمك بس مش قادر
أقول راجع ف عوامه
شاعرة الريف
طب اسأل مرة في الجمعة
بلاش احكي العيال سامعة
دا كل ..........ماتبعد المدة
علي كل الخدود دمعة
بلاش احكي العيال سامعة
دا كل ..........ماتبعد المدة
علي كل الخدود دمعة
رضا أبو الغيط
انا بسأل..... عليكي الليل
وشمس الصبح يا عيوني
وشارب من كاسات الويل
عشان خاطرى تسمحوني
وشمس الصبح يا عيوني
وشارب من كاسات الويل
عشان خاطرى تسمحوني
شاعرة الريف
.وهو الليل مالوش اخر
نسيتني قولي م الاخر
يا ساكن ..عيني والنني
وسارق نومي ومسافر
نسيتني قولي م الاخر
يا ساكن ..عيني والنني
وسارق نومي ومسافر
رضا أبو الغيط
مسير الليل .....يودعنا
ويمسح فجرنا. دموعنا
وأجيلك تاني م النجمه
وأقيد لك م الهوى شموعنا
ويمسح فجرنا. دموعنا
وأجيلك تاني م النجمه
وأقيد لك م الهوى شموعنا
شاعرة الريف
ياريت....... العمر بيهدي
يا غالي .....العمر بيعدي
ويوم ورا يوم بيسرقنا
مابين بعدك وبين بعدي
يا غالي .....العمر بيعدي
ويوم ورا يوم بيسرقنا
مابين بعدك وبين بعدي
رضا ابو الغيط
بعيد عنك منيش شايف
سنين عمرى اللي بتعدى
وقلبي م اللي جاي خايف
ولون الغربه .. مش وردي
سنين عمرى اللي بتعدى
وقلبي م اللي جاي خايف
ولون الغربه .. مش وردي
شاعرة الريف
انا في غربة كمان زيك
واولادك كمان تايهين
وكبرو ومحتاجين حبك
لو احتاجوا يروحوا لمين
واولادك كمان تايهين
وكبرو ومحتاجين حبك
لو احتاجوا يروحوا لمين
رضا ابو الغيط
انا راجع اكيد ليكم
يا نن عيوني وحياتي
عشان افرح وأهنيكم
واسعد ...باقي أوقاتي
يا نن عيوني وحياتي
عشان افرح وأهنيكم
واسعد ...باقي أوقاتي
شاعرة الريف
يا روح قلبي ونور عيني
تعبت كتير انا بعدك
كفايه غربه وتجيني
تنسيني سنين بعدك
تعبت كتير انا بعدك
كفايه غربه وتجيني
تنسيني سنين بعدك
رضا أبو الغيط
انا بكره..... اكيد راجع
ومش راجع ...هنا تاني
كفايه غربه... ومواجع
ياروح قلبي يا وحشاني
ومش راجع ...هنا تاني
كفايه غربه... ومواجع
ياروح قلبي يا وحشاني
شاعرة الريف
دا يوم ما تجيني يوم عيدي
يا دمي.. الساري في وريدي
وبكرة خلاص...... اهو قرب
وهاتقرب.. ........ مواعيدي
يا دمي.. الساري في وريدي
وبكرة خلاص...... اهو قرب
وهاتقرب.. ........ مواعيدي
رضا ابو الغيط
وحشتيني ياروح الروح
يا شهد.... الدنيا وهنايا
بحبك ...وفين ما بروح
تملي ......ساكنه جوايا
يا شهد.... الدنيا وهنايا
بحبك ...وفين ما بروح
تملي ......ساكنه جوايا
ليست هناك تعليقات:
إرسال تعليق