تانى .... للشاعرة / امال بدر

تانى

راجع تانى تقول سامحيني
بعد ما قلبى فى حبك داب
بعد ماعيشتنى فى عذاب
وجاى تعددلى. الأسباب

راجع تقولى بعادى. غلطة
لحظة غضب فيها عقلى غاب
بعدت. وعمرى ما نسيتك
نارى فى قربك احلى عذاب

انت حبيبتى وقنديل. ليلى
وعن عشقك القلب ما تاب
فرحة عنيكى بسمة شفايفك
لحياتى كل الأحباب

سامحيني يا حياتى ارجوكى
كفايه قلبى عاش فى عذاب
لحظة فى قربك يا عمرى
تفتح للجنة. الف باب

كلام أغانى. وبتغنيه
وخايفه. اصدقك. تانى
طب سبنى حبه أفكر فيه
واوزن أمورى بميزانى

اهم حاجة. ياعيونى
متنسينيش كونى. فكرانى
وياريت كمان ارجوكى
بقلبك تكونى مسمحانى
...................... 

للشاعرة / امال بدر