ستى ستيته ... للشاعر / رضا ابو الغيط

ستى ستيته .......كان لها توته
قاعده تملى....... ف حُضن الدار
كانت بيها .......ياناس مبسوطه
وتقول فيها............ كمان أشعار

ساعة العصر........ بتقعد جارها
جمب راجلها....... وكل صغارها
تحكى معاها .......عن اسرارها
واللى شاغلها ..........ليل ونهار

كات بتشوف ف فروعها شبابها
وتهادى .......من خيرها أحبابها
وان يوم زارها ف دارها اصحابها
تعزف ليهم ..............ع الأوتار

لحن الفرح......... اللى بيجمعهم 
ويمتعهم................ ف الأسحار
وبيمنعهم .........يشكو وجعهم
من صيف حاره.......... زى النار

عُمر التوت..... ف الدار ما يضر
ولا بتدوق.........من طرحه المُر
وبأوراقه ...........الخضرا يسُر
قلب حزين.......... لو كان منهار

صابر دايما ......ع اللى ما بيه
وبيغسل.......... بالمطره عينيه
وف أوقات........ الشده ايديه
بتضلل............. على أهل الدار
.............................

للشاعر / رضا ابو الغيط