مونولوج خفيف الظل بين الأديبة الشاعرة : إيمان ذهني ، والشاعرة الاعلامية حنان خلف
بعنوان : مزيكاااا
إيمان...
ياابن ماريكا
خلي الدنيا معاك مزيكا
اعزف علي اوتار انغامها
اوعاك تزعل يوم من حالها
اضحك - افرح - قبل راحلها
حنان ...
ارسم بسمه بلون احلامها
ازرع زهرة علي بوستانها
خليك ورقه وسط شجارها
رفرف ف سماها وحيرها
إيمان...
لو عدي الحزن بأغصانها
زيلو بطرحة فرح امالها
خلي طموحك دائماً عالي
حقق احلامك بمعاني
دندن - ارقص غني اغاني
حنان...
لما تلاقي هموم وشجار
ابعد عنها ولا تحتار
اوع تفكر يوم ف مشاكل
أو تتنرفز او تتشاكل
إيمان...
خليك زي البسمة الطايرة
ياابني الدنيا دي اصلها زيله
عيشها بروحك
داوي جروحك
زود بوحك حتي لثانية
حنان...
خليك عاقل - خليك هادي
واسمع كلمة راح اقولهالك
لو صحبك خانك بأمانة
يبقي البعد عنه شهامه
اوع عيونك تبكي ف يوم
او تشعر يومها بمهانه
إيمان....
اقفل بابك ياللا ف وشه
لاف يوم هاتنفقوا ولا تغشه
ابقي ساعتها اهجر عشه
سامع - فاهم ياابن ماريكا
خلي الدنيا معاك مزيكا
حنان...
اسمع غنوه زي زمان
لحن زي فريد الحان
أو غنوه ل ثومه تتقال
اصل زمانهم أحلي زمان
فتح وردة عمرك تاني
غني معايا قول الحاني
إيمان...
اوع تضيع سحر جمالك
أو تتنازل أو تتهالك
خليك نجم وسط الليل
ده انت سمارك لون النيل
وكمان مصري والله اصيل
وكمان مصري والله اصيل
سامع فاهم ياابن ماريكا
خلي الدنيا معاك مزيكا
...........................
بقلم :. إيمان & حنان
ليست هناك تعليقات:
إرسال تعليق