أغنية .. ارمى السلام ... للشاعر / جمال سعد

اغنية ارمي السلام

ياساكن بين ضلوعي 
ياشاغلني في المنام 
ما تحن ياواد علينا 
مره وارمي السلام 
دا النوم خاصم عنينا 
ياما بيبعت ملام 
وانت ياغالي شاغلنا 
عايش دور الهيام 
سرحان ماشي وفايتنا 
تهجر والله حرام 
طبعك من أمته قاسي 
ليا وناسي الغرام 
سايب قلبي في عذابه 
مجروح رافض ظلام 
فهمني ايه جرالك.
ياجميل خلص الكلام 
مني بتروح وتنسي 
ويضيع فيك العلام 
والحب اللي مابينا 
بيتوه لحظة ألام 
خلاص يا حبيبي فايتك 
وحدك وسط الزحام 
حنعيش مع حب تاني 
يمكن اعرف أنام 
.......................
للشاعر /  جمال سعد