باعشق رشاقة كلمتك
حرفك دا سابح فى الخيال
وإن كان مجال
يسكن قمرى لليلى
ونجمك ينور
دنيا جميلة م الآمال
ترسمها حالة تتضلل
على كل عش
ساكن محبة وشوق
ورقة ودلال
فى الأصل إنت فارس
مالك فى إيدك قلب مال
تسرد معانى اتيتمت
وجار عليها فكر زال
وبقوة الكلمة اللى بانت
بتتبنى كل الحكايا
وتلتحم فى خيوط قوية
مثبتة حبل الوصال
وكل مرة بننتظر
من غير سؤال
جملك وفيها بنشتهى
حلمك وباقى تحققه
من غير محال
................................
للشاعرة / بتول عبد المعز
ليست هناك تعليقات:
إرسال تعليق