** مصر **
يا بلدنا ابنى وعلى
خللى رأيتك فى العلالى
طمني قلبك تملى
راح نضحى بدمنا
انا وبن عمى و بن خالى
لو يروح منك شهيد
راح يجيكى يا حبيبتى
غيره ميت مليون وليد
و رغم ده برده يا أمى
راح نضحى من جديد
والقلوب العاشقه ليكى
راح نصحيها اكيد
م احنا ارواحنا فداكى
وأما هتنادى علينا
فى لحظه هنلبى نداكى
اصلك انتى يا حبنا
فى عنينا ننى
بيكى بنشوف دربنا
ومشينا كله ف ضياكى
حتى لو هكبر ف سنى
هعيش فتى جوا صباكى
اصلك انتى حته منى
منتى شلتينى ف حشاكى
و ارتويت من نهر نيلك
يعنى واجب فى الشدائد
جوه ننى العين نشيلك
والكبير ويا الصغير
كلنا طبعا ولادك
راح تروح الروح فداكى
انت قدامنا يا غاليه
و كلنا هنكون وراكى
انتى حمتينا صغار
و النهرده يا مصرنا
هنكون حماكى
........................
للشاعر / سيد النحاس
ليست هناك تعليقات:
إرسال تعليق