من الواضح ..... للشاعر / رضا أبو الغيط

م الواضح
إنك نسيانى
وزمانك
مش هو زمانى
والعمر 
اللى انا عشته معاكى
بهواكى
بقى شكله ثوانى
م الواضح
إنك بعتينى
لأهات الدمع
اللى ف عينى
ونسيتى انى بتكوينى
ما أقدرش
أتحمل أحزانى
فالأفضل
نفضل أصحاب
وان رافضه
نرجع أغراب
وان حكمت
هنسد الباب
وأغير
شكلى وعنوانى
خيرتك
دورك تختارى
بين شيش القلب المتوارب
وانانى بيلعب بأنانى
وبلاش تتظهرى انك يعنى
مكسوفه
من دقة قلبى
او جرحى الساكن أوتارى
م انا شايفك وانتى بتتمشى
فوق جرحى
مع واحد تانى!!!!!!!

*********************************************
للشاعر / رضا أبو الغيط