طلب عاجل من القلب اللي عاش عمرُه كأنُه ما عاش
بإنـــُه يعيش يبان فـجــرُهُ ويظـــهـــر لُـــه ميتخــباش
طلب عـــاجـــــل ومُسـتَوفى الشـــروط كـــافــة
لا فيه كلمة ماهيش واضحة وللا فكرة بتتخفى
مشــاعــر بس بــردانة وكُــــل أمَـالـها تتدفـــى
وأنا مــوََقـــع وخَـاتمُه كـمان طلب عـاجــل ميستناش
طلب من دمعة حيرانة في ليل كداب
بإنُه يجـــــف منبعـــها وتبقى شباب
وحيرة ملفلفة عــــيونها بلا أسـباب
حبيـبة قــلــبي متباعــــدة وأنـا مباعـــد مبلمسهــاش
طلب من عيني تتملى بـِ طَلهَ بس أو لمـحة
أدوب فـي عنيكي وألقـاني بأنـام وأصحى
أشوف البدر يلمسني ألاقي الحُب والفرحة
وقُلت أكتب طلـــب ليكي وكـــــام كـــلمــة متتغــناش
لكـن تتحس ألحـانها وصـداها عجـيب
وشوق محموم لأطيافـك وحُب رهـيب
طلب مكتوب على قلبي بحرف غريب
وخَـطُهُ رقيق لكــن واضـح وحبرُه الدم لكـنُه ميغـلاش
طلب عاجـل بإني بأمـوت وإنتي بعـيد
و إن الفرحــة بتسافـر وبأبقي وحــيد
بــلاش البُعــــد خــليـكي كَـليـلة عـــيد
بلاش الهجــر والحــيرة بلاش أحــزان حبيبتي بلاش
طلب عَاجـــل و بأتمنى ما يلقي روتين
ولا رشــوة ولا أدراج كمـــا الزنازيـن
ولا تسويف و شخط ونطـر متصاحبين
أنا بأكــره أكــون فـي الصف مستني ودوري مجــاش
لكني بَـقول عشان خاطرك أكون واحد من المساكين
عـــلــــي بـــــاب الأمــــل واقــــف وأتنــي سـنيـــن
لحـد ما تمضي بإيديكي طلب واحـــد مـــلان بحـنين
أنا في الحلم مستني تحني بإمضا من قلبك ومستغناش
طلب عاجــل وقُـدامك يومين تقريهْ
تحسي حــروفُـُه تنسيها تِقَطـَعي فيهْ
تبُوسي ملامحُه بعنيكي تلومي عَلِيهْ
قــرار واحــد وأنا لسه مستنيه يا إما بآه يا إما بلاش
طلب عاجل من القلب اللي عاش عمرُه كأنُه ما عاش
بإنـــُه يعيش يبان فـجــرُهُ ويظـــهـــر لُـــه ميتخــباش
************
بقلمي / عصام حسيني مدين ...
جمهورية مصر العربية
ليست هناك تعليقات:
إرسال تعليق