لما تبكى البنت شوفها
ايه وليه سبب دموعها
مد ايدك كون سندها
وإبعد الخوف عن حياتها
حته من ضلعك خلقها
نعمه ليك حافظ عليها
هى حوا يابن ادم
راعى ربنا إنت فيها
حتى لو بتبان قويه
برده ضعف الدنيا فيها
هى امك هى اختك
هى شايفاك اب ليها
هى زوجتك هى بنتك
وانت اقرب حد ليها
قالوا عنها كلام كتير
ناقصه عقل وناقصه دين
وف القران كدها عظيم
بص شوف واسمع معايا
دا القران اصل الحكايا
كيد زليخه كان عظيم
حب يوسف كان مالكها
اما كيدك يا بن ادم
ذكره ربك قبل كدها
كره يوسف من اخواته
فرق بين كيدك و كدها
أما عن العقل والدين
ردى ليك فكلمتين
قالوا ف الامثال زمان
فاقد الشئ لايعطيه
كملت عقلك ودينك
خدمتك ع طول سنينك
انت ناكر يابن ادم
ناكر فعلا للجميل
ليست هناك تعليقات:
إرسال تعليق