السر مش في البير
حاسب بقى يا لسان
من عشرة بني أدمين
فيهم واحد إنسان
والباقي للنسيان
وذكرهم عيبه
تمشي ورا الأندال
آخر الطريق خيبة
والدنيا إيه غير سكة
بتحير الخطوات
أولها كان بدموع
آخرها جاي ب عياط
والقتل كان مشروع
حتى بين الإخوات
كفاياك يا طين ما تفوق
اصلا مكانك فوق
غواك طاووس ألوان
والدنيا فيك بتسوق
مسروق في قلب النبض
بتحب مين عن مين
دنيا وفيك بتعض
وكمان شيطانها رجيم
قالك دي شجرة خلد...
دعاك وقولت آمين
عصيت نزلت الأرض
والعقل للمهابيل
القتل طرطش دم
إفرح ياعم قابيل
وتعالى ساعة الدفن
واضرب بوزك شبرين
ليست هناك تعليقات:
إرسال تعليق