فى يوم المرأه
راح أكتب عن أمي
أول ماعشقت فى الدنيا
ودمها مخلوط بدمي
كانت بلسم يشفي الجروح
وبسمتها تزيل همي
كانت كلمه كانت حكمه
فى بحر العلم تعلمني
فى لمسة إيدها حنيه
بلمستها تطمني
ونظرة عينها تحاكيني
ومن نظرتها تفهمني
تضمني بالعيون ضمه
وتدعيلي مستور ياابني
قالوا عليها مدرسه
أنا قولت دي بحر من العلوم
كلمتها دايما مدروسه
بتنصف دايما المظلوم
ما يعجبها الحال المايل
ولا اللي كلامه مش مفهوم
تحاول تعدل المايل
ولو كان بينهم أي خصوم
كلمة الحق فى لسانها
ولو لاقت بعدها اللوم
ما تشغل بالها باللي يقول
تقول حقي هيعود فى يوم
طاعتها واجبه لزوجها
راضي عنها لآخر يوم
روحها رفضت الخروج
إلا بعد أما طمنها
ونور وسعادة على وجهها
وطلعت الروح لبارئها
يابخت اللي يرضى عنها
زوجها وييجي يطمنها
تشوف الهنا والسرور
وضمنت دخول جنتها
ودي أمي ونور عيوني
يارب أغفر لها وارحمها
ليست هناك تعليقات:
إرسال تعليق