اسمحيلي
........
اسمحيلي أبوس أيديكي
وأشيل تراب رجليكي
وأنام تحتك وتعمليني مداس
مهما عملتلك مش هوفيكي
.....................................
يا بير فايض من الحنان
يا صدر دافي طول الزمان
ويا بسمه حلوه في ليله عتمه
يا منوراني ومعطره المكان
.....................................
يا قلب أبيض دايما صافي
ما يعرف أبدا يوم يجافي
علي الجاحد من العيال
دايما مسامح لكل قاسي
.....................................
ولا يبات ليله وهو زعلان
من أبن شارد كان أو عاصي
ولسانه كان غلاط قاسي
عمره ما كان عليه غضبان
.....................................
أه يا بير الحنان والمحبه
مهما طال عليه زمانه
عمره ما يجف حبه
وراوي اللي حواليه وغيطانه
.....................................
أه يا بير الحنان والمحبه
دايما يا بير غزير وزايد
وراوي يا بير كل الأحبه
لابتغرق بين علا وزايد
.....................................
أه يا بير الحنان والحنيه
راويني دايما بخيره وأفضاله
رغم الجفا والبعد منيه
عمره ماحرمني من حنانه
.....................................
بارك يارب فيه وزيد
ولا تحرمنا منه يوم
لولاه الخير يقل ما يزيد
ويطول سهرنا ولا ندوق النوم
ليست هناك تعليقات:
إرسال تعليق