المهم والأهم
مش مهم تكون شجاع
أو معاك حرف اليراع
الأهم تكون حلنجي
أو تكون مكار خمورجي
تمشي فى الدنيا بلكاعه
وتغير وشك كل ساعه
وتخدلك دروس وضاعه
تلاقي الدنيا جايه ليك
تغرف وتعبي ب إيديك
تملا كرشك طب وماله
وتاخد السوكسيه بحاله
تنصب وتعمل مصايب
أحسن يقولوا عليك دا خايب
مش مهم تكون أمين
أتعلم بقا مكر السنين
أوعى تمشي جنب حيطه
روح وزعق تبقا زيطه
شوف بقينا ازاي وليه
كلنا عبيد ......الجنيه
،،،،،،
أما عني مهم جدا
ألقى نفسي حر طبعا
ليا رأى بقوله قطعا
وأعبد المولى ف علاه
وأشوف ولادي وأهل بيتي
وأحمي بلدي...حتى موتي
فيه مهم وفيه أهم
والكلام شامل أعم
عليك بقا تختار يا عم
..........(حامد شريفه )...
ليست هناك تعليقات:
إرسال تعليق