هابطل شعر
..............
قررت
خلاص
أبطل شعر
وألملم كل أوراقي
من بعد
ماكانت
الكلمة
هية دائي ودوائي
هافارقها
ولويوم
غلبني الشوق
هَا أقتل كل أشواقي
بقا
كلامنا
تقيل
ومالوش أثر باقي
جوة
نفوس
الناس
وأصحابي ورفاقي
ولو
عاتبني
القلم
والكلمة ناقشتنيي
هاأقول
كفاية
ألم
ويارب .... ثبتني
هاأبطل
أكتب
شعر
مبقاش يأكل عيش
كانت
حروفي
جنود
وقلمي قائد جيش
دايما
بينصر
حق
ويذل في الظالمين
يارب
صبرني
وإجعلني
من ..... الصابرين
وها أبطل
أسئل
ع التفاصيل
عشان مكشفش ستر
الليل
عشان
بيخبي ألف ... دليل
وساعات
بتمحي
كل جميل
هااعيش موجوع وقلبي
عليل
ها أقصر
حتي
في كلامي مالوش
لازمة
التطويل..!!
...................
بقلمي
حمدى توفيق
الاستاذ المصرى
ليست هناك تعليقات:
إرسال تعليق