كلام متكلف ليوم التلات
(قالولوا زمان)
-------------
قالوووا زمان مافيش فقر
والناس بتنام لغاية الضهر
وبتاكل لحمه طول الشهر
والبنت جنيه واااحد مهر
ومكانش لسه إنزرع الصبر
وإللي ما يعرفش يقول عدس
*
* ناسيين
ألفلاحين كااانوا عبيد
وعليهم ألف ألف سيد
وإللي يشتكي محتاج
مافيش غيير الكرباج
* ناسيين
أصحاااب المصانع
خلت العامل ضايع
وف مخازنهم البضايع
ويوميا السعر رااااافع
* ناسيين
الحياه كانت للأغنيه
أصحاب أفخم عربيه
والعز كاااااان للأقليه
والحلاوه الطحينيه
لناس بس
وإللي مايعرفش يقول عدس
*
دلوقت إتردم الفحت
وطلع إللي كان تحت
وشكرا يارب إنك فتحت
والانسان قال أنا إرتحت
(والجنيهاات)
بقت مليارات
والعجل بقى عربيات
واللغه بقت بالآلافات
والعامل أجره مياات
والناس تشتري الماسات
(بس فيه)
(عيب مننا)
ما ب نحمدش ربنا
على إللي مديه لنا
ولا بكرمه
ونعمته
بنحس
وإللي ما يعرفش يقول عدس
-------------
الخال عصمت البيلي
ليست هناك تعليقات:
إرسال تعليق