بستان
قوم يلا شد الرحال
وسند على كتافى
نور العيون انطفى
واتعكر الصافى
سامع لصوت همهمه
مقفول عليها بيبان
تقدر تقول كلنا
فوق فوهة بركان
يتقبل تكون زيهم
وتلبس قرون ياجبان
ياما تعمل دكر
ماتصلى ع العدنان
ساعتها راح تنجلد
ما غيرك عملها زمان
وتشكلة محكمه
اغلبها كان عميان
واتبهدل المحترم
ولا حاجه فى الامكان
لوشفت يوم الغلط
اسكت
اسكت وداري كمان
وابكى بدمع الندم
وشكر على الاحسان
وشوف الفساد وبتسم
قول ع الخراب بستان
محمد السوهاجى
ليست هناك تعليقات:
إرسال تعليق