كوابيس كوابيس
..............
*وانا نائم ليه بيجيلي كوابيس
*وما فيش فوانيس
*والباب متسكر بالترابيس
*والكل بيزعق قال يا مغيث
*وخناقه لرب السماء
نبابيت
*الحق يا بوليس
*فيه ندل خسيس
*شغال بالفتنه و بالتدليس
*بيبيع الغالي فينا رخيص
*ال ايه بنا بيت من غير تاسيس
•والدور العاشر عامله هاويس
*و سلالم طالعه السطح جراچ
*وبدايه السلم فيه متاريس
*ممنوع عربيه تعدي بلاش
*لازم ترخيص
*وصاحبنا شاغله امر خطير
*نازل تهليب
*علشان بيفكر يبقى عريس
*بيمص في دم الغلبان ليه
*وبيعمل كم اعلان ع الفيس
*على ان هيبني لنا كم ميس
*والاكل هيصبح للتخسيس
*واللي مالوش ضهر يروح في هويس
*والعيشه هتحلى للمحاسيب
*وتسيب الغلبان يبقى فطيس
*ويقول يا مغيث
*على فين رايحين ما احناش عارفين
*جمعونا وجايبين كم اتوبيس
*كاتبين اسامينا في كوم كراريس
*حطونا على بعض كده حوارات
*وبينقلو فينا نقل فتيس
*بيقولوا علينا اننا جواسيس
*ال بعنا بلدنا بسعر رخيص
*وسرقنا كمان تمثال رمسيس
*و خطفنا ايزيس
*روحنا و بعناها ف سوق تنخيس
*فاكرين ان احنا خلاص مهاويس
*يا اولاد 60 لأ قول 70
*داقت ارواحنا ما فيش تنفيس
*معقوله نكون مافيناش احاسيس
*وعقولنا كمان شبعانه تكبيس
*ما كفايه زهقنا من التعريص
*لساها امبارح كانوا عايشين
*ما لهومش اصحاب ولا حتى انيس
*دول ناس ملاحيس
*هما الجواسيس
*جايين درسين يبقوا احرار
*واحنا المحابيس
*لو جبنا دفاتر وقرينا
*كتبوا لنا تاريخ كله تدليس
*بيعلو الواطي واصله خسيس
*بيلمعو فيه لو عاز تكبيس
*منظره بيكون ولا احلى عريس
*وبياخد فرقه في قلب باريس
*وبيعطوه كام فدان في ابيس
*علشان راح يصبح لحم رخيص
*ولا يعرف امتى يكون السبت
*ولا إمته عليه راح ييجى خميس
*نجينا يارب من المهاويس
*كانت كوابيس لطفك يامغيث
عبدالرحمن سيداحمد قريطنه
ليست هناك تعليقات:
إرسال تعليق