شاب صعيدى وكلى شهامة
لما باحب باحب بجد
وما بقبلشى أى إهانة
طبعى عنيد و أموت فى العند
يوم حبيت البنت بهانة
زى جمالها مشفتش حد
بنت أصيلة وسايبة علامة
جو القلب يا عينى ع الود
لو لفيت الدنيا بحالها
ولا فى الحور يشبه لها ند
أنا حبيتها في اول نظرة
لما انا شفت الخال ع الخد
لو غابت عن عينى ثوانى
القى الدنيا راح تنهد
ولو اوصف فى جمال عيونها
راح اكتب دواوين لا بد
كل الشعر كتبته انا ليها
ومستنيها عليا ترد
ولما قابلتها مديت ايدى
بدى أقبل أجمل يد
قالت اموت ولا تلمس ايدى
انت صعيدى عيب يا ولد
قلت لها امتى يا بهانة
ربنا يجمع بينا بجد
قالت ربنا يسمع منك
ويهنينا ونكون لبعض
ياااه على قصة شاب صعيدى
لما يحب يحب بجد
=======
مصطفى احمد ابواسلام
ليست هناك تعليقات:
إرسال تعليق