انت يا عمرى غايب حاضر
قبلك كان قلبى جبروت
أأمر قلبى يقول لك حاضر
جبل العشق حفرته بيوت
وأما سكنته انت ياشاطر
أصبح قصر حيطانه ياقوت
بعدك هجر الحزن وسافر
ساب لك قلبى يحبك موت
نسهر ويا الليل نتسامر
نسرح فى جمال الملكوت
انت يا نجم ساكن فى العالى
قالى تعالى وروحت اوااااام
حبك حير فكرى وبالى
سهر قلبى ولا بينااااااام
ساعة الليل بتعدى ليالى
صاحيه و بغرق فى الأحلام
وانت معايا تملى يا غالى
تهمس ليا بأحلى كلام
عشت سنين من قبلك خالى
فاكره العشق يادوب اوهام
إنت يا نسمة تعدى عليا
شايله عبير فل وياسمين
تلمس خدى ورمش عنيه
أتوه وأسألها انا أطلع مين
يبقا الرد يا أحلى حورية
إنت ورود زاينه البساتين
أنت الندى والعمر ابتدى
مع أول نظرة شوق وحنين
عشق وشوق للعمر شروق
وأنا هاوهب لك أحلى سنين
بقلمى # منال النبوى
ليست هناك تعليقات:
إرسال تعليق