النصيب *** بقلم السيدابوطاحون
ومهما تسافر
وترحل تعافر
وتبعد بعيد
تلاقيني جنبك
وجوه في قلبك
وقلب القصيد
وفي كل حته
وقهوه ومحطه
تلاقيني سابقك
إنا في انتظارك
في ليلك نهارك
وحتي في حلمك
على طرف بالك
بورده اقابلك
وتفتح كتابك
حسابك وبابك
تلاقيني فيديو
وصوره وحكايه
ومالهاش نهايه
انا الحب صابني
بنظره وصابك
فسلم وكمل
وحسن وجمل
تعالى يا سيدي
وده مش بإيدك
ولا حتى بايدي !!
نصيبي ونصيبك !!
ليست هناك تعليقات:
إرسال تعليق