خمسه عليكم يا اهل بلدي
وسحوره خمسه
خمسه تعدّي
فينك يا ولدي
قوم شد حيلك
وصلي ليلك
وامدح نبينا
طه الرسول
وقول يا هادي
نهاركوا نادي
هات الزبادي
واسعف بفول
وفول مدمس
قوم يابني غمّس
وشّك تملي.
فيه القبول
قبول وجامعه
يا شمعه والعه
ياللي انتي سامعه
هاتي البطارخ
وام الخلول
ومهما ترسي
شِلّاه يا مرسي
يا اهل بحري
يا أحلي ناس
يا اسكندريه
ليلتك هنيه
م المعموره
لأبو العباس
نورتوا زينه
في التارسينه
يا احلي مينا
انتوا الأساس
سحوركوا نادي
يا ولاد بلادي
خامس سحوره
وبلاها كوره
الفجر هالل
والدنيا سقعه
زي الرصاص
الطبل طبلي
والكل قبلي
غنولكوا ياما
وقالوا قبلي
رمضان كريم
ليست هناك تعليقات:
إرسال تعليق