المسحراتي
_______
مسحراتي منقراتي
في البلد قوال
اقول الكلمه
جواها حكمه
اصحى وصحصح
أوام يا خال
وانا صنعتي مسحراتي
منقراتي في البلد قوال
رمضاااااااان كريم
بقول يااهلي
وبقول ياناسي
خلونا عشره
و حافظوا عليها
رمضان خلاص
فايت أوام
وبسرعه هايله
من غير كلام
ياسي ابراهيم
ياله اوام
قوم هات سحور
وإياك تنام
لو عدي يوم
ماداومت فيه
على العباده
انت الملام
انا جي اسحر
وكمان ابخر
ياعم يحي
إياك تفكر
غير في التلاوه
وفي القيام
رمضان كريم
الست صابره
في حياتها صابره
قوه وعزيمه
كيف الرجال
م الفجر تصحي
بعد السحور
شاده الرحال
الله يعينها
على أكل عيشها
ام العيال
رمضاااااااان كريم
_________
شعر /طلعت مجاهد
ليست هناك تعليقات:
إرسال تعليق