قول لي يا قلبي
(.. غنائيه..)
=========
قاعد مره .......وبحكى لقلبي
انت معايا ..............ولا عليا
رد وقال لى.......... ياعم تعالى
انت كمان........... ليه تلعب بيا
قلت له ابدا ........ليه تكدبني
كانت دقاتك....... زايدة شويه
خبيت سرك ..........انا جوايا
وانت فضحت ...الشوق بعنيا
انت معايا.................. ولا عليا
قول لي .................يا قلبي
لساني معاك ....يتكلم باسمك
حتى مشاعري بتعرف همسك
عارف ان .......احساسك زايد
ودا بيبان .من تفاصيل رسمك
مرات تعند .............وتعذبني
ومرات احس. حنان مع لمسك
تهت معاك .........واتغير حالي
انت معايا ...............ولا عليا
قول لي......................... ياقلبي
راسم بحر الشوق.... في هواك
وانا بهواك.................................
ليه توعدني ........وتبقى هناك
واستناك....................................
ليه القسوة ...........تزيد وياك
وانا وياك...................................
ليه تلاعبني............. وتلعب بيا
وكنت ف عيني ....احلى ملاك
ليه بتزيد الشوق......... ف عنيا
انت معايا ...............ولا عليا
قول لي ..................يا قلبي
دايما تجري .......واجري وراك
ليه تعذبني................................
عايزك جنبي .......خدنى معاك
ليه تحيرني...............................
تبعد ...........تاخد النوم وياك
وتسهرني...................................
عايز روحي............ خدها فداك
والعين والنني..........................
اوعاك تهجر ..............اترجاك
وتقسى عليا..انت معايا ولا عليا
قول لي قلبى
=========
عوني هشام
ليست هناك تعليقات:
إرسال تعليق