أنا حرة
طول عمري أنا بكتب أشعاري
وكلامى بيكون .. متداري
مش لازم تفهم معانيها
أو تيجي تقول ليه بتواري
أنا حرة فى جميع كتاباتي
بكتب عن حالي و يوماتي
وان كنت بعبر عن نفسي
أهو كل الناس زى حالاتي
مش لازم أبقى كتاب مفتوح
يقراه مين يجي ومين بيروح
ولا أبقى لئيمة أو غامضة !!!
او رأيك فيا يكون مسموح
أوقات بستغرب حال الناس
وعقول مقفولة بميت ترباس
مع أن الدنيا .......... بتطور
لكن دماغهم ... فيها مداس
تلقاه لابس كدا ع الموضة
والعقلية .. ... جاهلة وسودة
بيعيش وتملي يسيء الظن
ودماغه فاضية .. ومحدودة
وكمان واحدة كدا ...... لتاتة
فى حياتك داخلة ... بغتاتة
حرباية و عايشة بمليون وش
تفرض روحها بكل تباتة
حرص لكن إوعى تخون
واياك على غيرك تتلون
خليك دايما صافي النية
إوعى تبالغ ... ولا تهون
بقلم / زينب سليم أحمد
ليست هناك تعليقات:
إرسال تعليق