الثلاثاء، 26 مايو 2020

الساقية ......... للشاعرة / صفاء الخواجة



 الساقية  
أيوا. نسيتني أنا مش فاكراني
وسط الزحمة دي فين أحلامي
جوه ..الدنيا ..ووهم..الغربة  
تيجي الكُربة..و تمشي بفُرجة
ننسي آلام عشناها..ف غُمة 
تاني تاخدنا.. الدنيا..لسكة 
فيها الفرحة وفيها الدمعة
ننجح. نفشل..أو..تهادينا 
ساقية ودايرة معاها تاخدنا
مرة بنحلم... ووراه نجري 
يا بيتحقق..يا بيبكينا 
نعرف ناس وعشانها نضحي
تكسر فينا..و ما بتدينا 
نمشي خطاوي وراسمة راحتنا
فجأة نلاقي طريقنا.. ناسينا 
نصرخ. صوتنا يضيع وسؤالنا ؟
مين ح يبعنا.. و فين يا شارينا؟
هو ضياع؟ والا دي قسمتنا؟؟
يملا الخوف و الدمع عنينا؟؟؟ 

 للشاعرة / صفاء الخواجة 
Safaa Elkhawaga

ليست هناك تعليقات:

إرسال تعليق

فن البوستات كمال العطيوى