
ضياع
إحساسي مات
وياك .يا قلبي و إنتهي
ونسيت خلاص كل إللي فات
عايشة حياتي. بالعجب
سألوني ليه. كل القلوب
بتعيش و دايما تبتدي!!
ليه من جديد ما بتفتحيش
للحب بابك ...و الأمل ؟؟
قلت الجديد.. ويا القديم
كان كله ماضي و إتدفن
ومفيش جريح يقدر يعيش
و النزف دايم. و الألم..
إزاي ح أعيش؟؟
والضحك كان. والفرح مات
من كام سنة؟؟!!
أصل الحياة..عايزة الهُمام
مش حد عايش بالعشم
ولا حد قاعد... ينتظر
يمشي حياته.. بالمدد
بين شوق كبير..و المستحيل
راصد طريقه..و العدم..
إنسوني و إنسوا مين أنا
مالكوش معايا ف الهنا
و لا ليا فرحة أو مني
أنا قلبي ضاع
تاه ف الضباب
ما لهوش خلاص إلا الندم!!
((كلماتي/ صفاء الخواجة ))
ليست هناك تعليقات:
إرسال تعليق