خلص الكلام ... للشاعر / حسن السحماوي

خلص الكلام ..!

............

الووووا .. الووووو .. !

.. ليه مابتردش على ..

لما بيرن الجرس ..

تليفونك اصبح فى الخرس

إيك تكون همشتنى ..

والا انشغلت بغيرى

علشان كدا ..اهملتنى ..

ياهووووو ...

طب رد مرة وقول الوووو ..

طب ااقولك اايه ..

مانت كمان علمتنى ..

خلتنى زيك فى العناد ..

وبقيت فشنك

فى طلقه بتدوس ع الزناد ..

لما اتفجع صوت الرنين ..

من بعد هجرك طول سنين ..

تليفونى مرة سألنى

عن طول الغياب ..

قام قالى جد ماعدش ينفع تتصل

وقام سكت .. يا هوووو ..

طب رد مرة وقول الووو ..

وساعتها بس ..

.عنيا لفت فى المكان

على كل صوره ع الحيطان

.خدها الحنين فاتصورت

ان المكالمة مسجلة ..

وقلت لك .. يعنى خلاص

راح اهون عليك ..

من وقت فات ..

علشان كدا صابها السكُات ..

فى خط مشغول اتصال ..

وشبكة واقعه من زمن ..

ولحد مايجى الميعاد ..

راح انتظر ..

أنا اصلى حابب اكلمك ..

محتاج كمان افهمك ..

وجعى ماهُش حزن وسُكات ..

ولا كيد نسا ..

وان كان على وقتى اللى فات ..

صبح ومسا ..

معرفش معنى الإنهزام ..

حتى ولو كان فى الملام ..

طبع الأسى ..

بس ضرورى اكلمك

وافهمك .. أنو خلاص ..

خلص الكلام ..!

......... 

الشاعر   

حسن السحماوى