مكة والمدينة خاليتان من الزوار
......
كعبة خالية والبقيع
فاضي مستني الزيارة
والصحابة والجميع
حتى مكة والحجارة
واللي ف العمرة يبيع
سبحة أو تذكار لجارة
أو طاقية للرضيع
أو لشيخ نفسه ف عطارة
ولا سجادة ويذيع
إنها للقبلة شارة
فيها بوصلة تستطيع
تحضن الدمع بحرارة
واللي حن وكان وديع
كلهم حس بمرارة
خايف الأيام تضيع
مننا يادي الخسارة
أصل دا فيروس فظيع
فضا بيتنا والعمارة
حتى عيدنا والربيع
السنة دي وعن جدارة
كانوا للصمت الشنيع
هما عنوان العبارة
بادعي مولانا السميع
يرفع البلوي بإشارة
والنبي هو الشفيع
واحنا ف ذنوبنا حياري.
مع أطيب تحياتي
شيخ السجالات
البدري زايد.
ليست هناك تعليقات:
إرسال تعليق